Претседателот на собранието Трајко Вељановски, утре ќе го посети градот. Тој напрвин во 12 часот заедно со делегацијата, ќе се прошета низ градот, каде што ќе се сретне со кумановци и ќе зборува за актуелните проблеми.
Во 13 часот е предвидено да разговара со граѓани кои добиле грантови за развивање сопствен бизнис преку програмата Самовработување, во Центарот за култура Трајко Прокопиев.
Во 14 часот е планирана средба со граѓани кај поштата во населбата Зелен рид, а за 16 часот со жителите на населбата Карпош.
Претходно во 11 часот претставници на општинскиот комитет на ВМРО ДПМНЕ ќе го посетат гробот на Драган Богдановски, идеологот и основачот на ВМРО ДПМНЕ, каде што ќе положат цвеќе по повод неговиот 87 роденден.